Madaxweynihii hore ee Iran ee isbeddel doonka ahaa Maxamed Khatami ayaa ku baaqay in afti guud oo dalka ah loo qaado doorashooyinkii muranku ka dhashay ee madaxtinimada ee ka dhacay Iran bishii aynu ka soo gudubnay. Mr Khatami ayaa sheegay in aft i laga qaado dadka ay tahay mida kaliya ee lagu soo celin karo kalsoonida dadka ee ku wajahan nidaamka jira.

Mr Khatami ayaa sidoo kale ammaanay Madaxweynihii hore ee Iran Akbar Hashemi Rafsanjani oo isagu maalintii Jimcaha sheegay inay ay tahay waajibka kuwa maamulka haya inay ka hadlaan shakiga dadku ka qabaan natiijadii doorashada. Dhinaca kale Hogaamiyaha sare ee Iran Ayatollah Ali Khamenei ayaa ku eedeeyay wax uu ugu yeeray cadawga waddankiisa inay qasayaan doorashooyinkii ka dhacay Iran. Khudbad telefi shinka qaranka laga sii daayay ayaa Ayatollah Khamenei uu kaga digay hogaanka Iiraan inay iska jiraan faragelinta dibedda

Steven Gerrard oo lagu waayay denbi

Kabtanka kooxda kubadda cagta ee Liverpool Steven Gerrard ayaa lagu waayay wax danbi, kadib markii ay ku socotay dacwad la xiriirta in nin uu ku weeraray meel baar ah oo lagu caweeyo. Cayaaryahanka ayaa qirtay inuu feeray Marcus McGee, oo 34 jir ah, oo ay baarka dhexdiisa ku murmeen, bishii December ee sanadkii hore. Maxkamad ku taalla magaalada Liverpool ayaa ogolaatay doodda cayaaryahan Steven Gerrard, oo uu ku adkeystay inuu naftiisa difaacayay. Isagoo hadlayay Cayaaryahanka Steven Gerrard, oo isla markaana khadka dhexe uga ciyaara xulka qaranka England, ayaa waxa uu sheegay in uu iska hilmaamayo arintan, oo uu xoogga saarayo ciyaaraha xilligan ee ku soo fool leh.